Thule Jólabjór besti jólabjórinn 2018 - annað árið í röð

 

 

Já sæll hvað hann er góður.

Ég hreinlega fæ ekki nóg af Thule jólabjórnum. Það er hægt að drekka endalaust af honum.

Fór á J-daginn um daginn og djöfull var það leiðinlegt. Danska sullið bragðaðist alveg eins og vanalega, illa. Ég hef aldrei skilið hvers vegna Íslendingar láta bjóða sér þetta baunaskol fyrrum kúgara sinna. Sjálfstæðir og sannir samlandar mínir ættu að neyta íslenskrar gæðavöru úr íslensku vatni undir íslensku nafni.

Ég hvet alla til að sniðganga fyrrum öxulveldið og hætta að drekka baunaskolið sem þeir kalla julebrugg.

Veljum íslenskt og þar er Thule bestur.

 

 

PS af hverju koma myndirnar alltaf á hlið????

Thule Jólabjór besti bjórinn í Jólabjórsmakki 2017

Bjórsmakkarinn smakkaði nokkra jólabjóra í ár. Thule jólabjór í lítilli dós og svo í litlu gleri.

 

Seinustu tvö ár hefur mér fundist hann betri í dósinni en núna var hann betri í gleri. Reyndar var þessi í dósinni ekki alveg hundrað prósent orðinn kaldur. Það er ekki góður kælir í Mjóddinni. Smakkarinn setur kannski afganginn út á svalir því það er svo kalt úti. Finnst best þegar það snjóar og ég get sett bjórana í snjóinn sem kemur á svalirnar.

 

En hvað um það. Þegar Smakkarinn metur jólabjór er tvennt sem þarf að meta. Í fyrsta lagi, er bjórinn góður fyllerísbjór. Svarið er einfalt. Já. Nógu léttur og bragðgóður í það.

 

Í öðru lagi. Er hægt að hella honum í glas og njóta hans, jafnvel með mat. Svarið er ennþá einfaldara. Uuu já. Hellti honum í glas og sötraði hann með kjötbollum í brúnni, rugl góður.

 

Jæja Bjórsmakkarinn er alveg hundrað prósent viss í sinni sök. Thule Jólabjórinn er bestur í ár enn og aftur, og í þetta skiptið tek ég hann í gleri takk fyrir pent.

Fimm bjórar af fimm. Stjörnugjöfin sko, hehe :-) drakk fleiri en fimm

 

Jólakveðja,

Bjórsmakkarinn.